*(معني الحب)*

بمناسبة اني بلاقي ناس كتير بيحبو وهما مش فهمين معني الحب اية حبيت اني احط الموضوع دة ويااااااااارب يفيدكم
الحب هو

الحب يعني عطاء

تفاهم

مراعاة شعور الطرف التاني

مش أول ما أعرف ان حد بيحبني أذله بحبه ليا وأنزل كرامته في الأرض

ربنا لما خلق حوا وآدم زرع فيهم الحب

وبردو لما خلق حوا من آدم ما خلقهاش من راسه عشان تتكبر عليه ولا من رجله عشان يدوس عليها . خلقها من جنبه عشان يحن عليها ويحميها

الحب هو أسمى شعور عرفه الإنسان بس للأسف بيستخدمه غلط

بس الشرط الأساسي في الحب هو الإهتمام

لأن الحب عامل زي الزرعة لو ما إهتميناش بيها هاتدبل و تموت

الحب مش مجرد انه علاقة بين شاب وبنت

في حب الأهل والأصحاب والأهم من كل ده حب الناس

والانسان عشان يعرف يحب لازم يحب الحب نفسه

و يكون قده

وطلما خرج من لسانه كلمة انا بحبك يكون متأكد تماما انها مش سهلة لأنها بتتحكم في حياة ناس والحب في حد ذاته مسؤوليه

وانه مش مجرد تسالي وتضييع وقت

يمكن السبب الرئيسي لفشل العلاقات عندنا لأن الشباب والبنات مش فاهمين معنى الحب

مفكرينه عادي ساهل ولو انتهت العلاقة يقولو الكلمة المشهورة _ كلب وراح

طب أزاي بقى كلب وهو كان في يوم من الأيام أقرب الناس ليك

ولسه ياما ده مجرد جزء بسيط من كلامي في الموضوع ده

يارب الموضوع ينال اعجابكم مستنية الردود